Makamu wa Kwanza wa Rais wa Zanzibar Maalim Seif Sharif Hamad amtembelea Kepteni mstaafu wa meli za Serikali Kepteni Abdalla Said Abeid

   Makamu wa Kwanza wa Rais wa Zanzibar Maalim Seif Sharif Hamad akisalimiana na vijana wa Mji Mkongwe wakati akirudi kumtembelea Kempeni Mstaafu wa meli za Serikali Abdalla Said Abeid nyumbani kwake Malindi mjini Zanzibar

Makamu wa Kwanza wa Rais wa Zanzibar Maalim Seif Sharif Hamad akizungumza na Kepteni Mstaafu wa meli za Serikali Abdalla Said Abeid nyumbani kwake Malindi mjini Zanzibar, alipokwenda kumtembelea na kumjuilia hali.Picha na Salmin Said-Ofisi ya Makamu wa Kwanza wa Rais wa Zanzibar

--

Makamu wa Kwanza wa Rais wa Zanzibar Maalim Seif Sharif Hamad, amefanya ziara ya kumtembelea Kepteni mstaafu wa meli za Serikali Kepteni Abdalla Said Abeid ambaye amekuwa akisumbuliwa na maradhi mbali mbali kwa kipindi kirefu sasa.

 

Kepteni Abeid mwenye umri wa miaka 71 mkaazi wa Malindi Mjini Zanzibar amekuwa akisumbuliwa na maradhi tofauti yakiwemo matatizo ya magoti.

Katika maelezo yake Kepteni Abeid amesema kwa sasa hali yake inaendelea vizuri baada ya kupatiwa matibabu katika hospitali tofauti nchini na baadaye nchini India.

 

Makamu wa Kwanza wa Rais amemuombea kepteni huyo mstaafu apone haraka ili ameweze kujumuika na wanajamii na taifa kwa jumla katika harakati za maendeleo.

 

Maalim Seif amekuwa akifanya ziara za mara kwa mara za kuwatembelea wagonjwa pamoja na wazee katika maeneo mbali mbali Unguja na Pemba.

Na 

Hassan Hamad 

Ofisi ya Makamu wa Kwanza wa Rais Zanzibar

Chama cha Wananchi chasikitishwa na vurugu Zanzibar

Chama cha Wananchi CUF kinasikitishwa na matukio ambayo hayakutarajiwa kutokea hapa Zanzibar yaliyoanza kujitokeza  tarehe 17/10/2012 ambayo yamesababisha vurugu kubwa katika Manispaa ya Zanzibar na vitongoji vyake.

 

Matukio hayo yamesababisha uharibifu mkubwa wa mali za Umma, wananchi mmoja mmoja na hata vyama vya siasa.

 

Miongoni mwa vitendo hivyo ni ku... vunjwa Maduka, vyombo vya usafiri, kukatwa miti ovyo na nguzo za umeme, pamoja na kuchomwa moto maskani za CCM. Matukio mengine ya kusikitisha na kuhuzunisha kufuatia vurugu hizo ni kuwepo taarifa za kuuwawa kwa Askari Polisi.

 

Kutokana na vitendo hivyo, Chama Cha wananchi CUF kinaalaani kwa nguvu zote matukio hayo ambayo yamepelekea uvunjifu wa mkubwa wa amani ya nchi, na kusababisha hofu kubwa kwa raia pamoja na wageni wanaotembelea Zanzibar.

Sambamba na vurugu hizo, Chama Cha Wananchi CUF kimepokea kwa mshtuko mkubwa taarifa ya Serikali ya Mapinduzi Zanzibar iliyotolewa na Waziri wa Nchi Afisi ya Makamu wa Pili wa Rais, Mhe. Mohammed Aboud Mohammed iliyoeleza juu ya kutoweka kwa Sheikh Farid Hadi Ahmed katika mazingira ya kutatanisha.

 

Katika Taarifa hiyo, Serikali imethibitisha kuwa vyombo vyake vyote vya ulinzi havijamkamata Sheikh Farid, jambo ambalo limezidisha hofu na wasi wasi kwa wananchi juu ya mahali alipo na hali yake kiongozi huyo wa Jumuiya ya Maimamu Zanzibar.

 

Chama cha Wananchi CUF kinaiomba Serikali kuendeleza juhudi zote za kuhakikisha taarifa za ukweli na za uhakika zinapatikana juu ya kadhia ya kutoweka kwa Sheikh huyo kwani Sheikh Farid ni raia wa nchi hii, na Serikali hii ni kwajili ya wananchi wote, ili kuondoa hofu na wasi wasi ambao umesababisha baadhi ya wananchi kujengwa na dhana mbaya.

 

Aidha, Chama cha wananchi CUF kinawataka wanachama wake, wapenzi na wananchi wote kwa ujumla kutojiingiza na kutofanya vitendo vyovyote vinavyoweza kupelekea uvunjifu wa amani ya nchi yetu.

 

Sote kwa pamoja tukatae kabisa kujihusisha na vitendo vya kuleta vurugu kwa vitendo na kauli zitakazopelekea kuiondolea sifa njema nchi hii ya Zanzibar ambayo imejijengea duniani kote

Haki sawa kwa Wote

………………………..

Salim Biman
Kaimu Naibu katibu Mkuu Zanzibar

Naibu Waziri wa Katiba na Sheria Angellah Kairuki Atembelea Ofisi ya Tume ya Katiba Zanzibar

Naibu Waziri wa Katiba na Sheria Angellah Kairuki, akiwa nje ya Jengo la Ofisi ya Tume Maisara, baada ya kuzitembelea Ofisi hizo kuona ,maendeleo yake.

Naibu Waziri wa Katiba na Sheria Angellah Kairuki akizungumza na Katibu wa Tume na Msaidizi wake baada ya kumaliza kutembela Ofisi hizo za Tume Zanzibar.

Katibu wa Tume ya Marekebisho ya Katiba ya Tanzania Assaa Rashid, akitowa maelezo kwaNaibu Waziri wa Katiba na Sheria Tanzania alipofanya ziara ya kutembelea Ofisi za Tume Zanzibar.

Naibu Waziri wa Katiba na Sheria Tanzania Angellah Kairuki, akizungumza na Maofisa wa Tume ya Mabadfiliko ya Katiba Tanzania alipokuwa akitembelea Ofisi za Tume zilioko Zanzibar katika Jengo la Mfuko wa Barabara Maisara Zanzibar.

Naibu Waziri wa Katiba na Sheria Tanzania Angellah Kairuki, akitembelea Ofisi za Tume zilioko katika jengo la Mfuko wa Barabara Maisara kuona maendeleo ya Ofisi hizo zinaliopo Zanzibar.akiwa na Maofisa wa Tume ya Marekebisho ya Katiba Tanzania.(kushoto) Katibu wa Tume Assaa Rashid.

Naibu Waziri wa Katiba na Sheria Angellah KKairuki, akizungumza na Katibu wa Tume ya Mabadiliko ya Katiba Tamzania Assaa Rashid alipofika katika Ofisi za Tume hiyo zilioko Zanzibar katika maeneo ya Maisara katika Jenjo la Mfuko wa Barabara Zanzibar.

UZINDUZI WA KAMPENI WA CUF JIMBO LA BUBUBU

Makamu Mwenyekiti wa CUF Machano Khamis, akimtambulisha Mgombea wa Chama hicho Issa Khamis, kwa Wananchi wa Jimbo la Bububu katika Mkutano wa Uzinduzi wa kampeni uliofanyika katika viwanja vya Skuli Bububu.

Mwakilishi wa Mji Mkongwe Ismail Jussa akitowa sera za Chama chake kwa wananchi waliofika katika uzinduzi wa kampeni katika viwanja vya skuli ya bububu jana

Makamu Mwenyekiti wa Chama cha CUF Machana Khamis, akizinduwa Kampeni za Uchaguzi wa Chama chake katika viwanja vya skuli ya bububu jana

Mgombea wa Chama cha CUF Issa Khamis akijitambulisha kwa Wananchi wa Jimbo la Bububu wakati wa Uzinduzi wa Kampeni ya Uchaguzi Mdogo unaofanyika kutokana na Kifo cha aliyekuwa Mwakilishi wa jimbo hilo Salim Amuor Mtondoo

Waheshimiwa wakiwa katika Mkutano wa Uzinduzi wa Kampeni ya Chama cha CUFya Uchaguzi Mdogo wa jimbo hilo.uliozinduliwa na Makamu Mwenyekiti wa CUF Taifa Machano Khamis.

Waheshimiwa wakiwa katika Mkutano wa Uzinduzi wa Kampeni ya Chama cha CUFya Uchaguzi Mdogo wa jimbo hilo.uliozinduliwa na Makamu Mwenyekiti wa CUF Taifa Machano Khamis.

BARUA YA WAZI KWA RAIS WA DOLA YA ZANZIBAR DR. ALI MUHAMMED SHEIN

BISMILLAHI ‘RRAHMANI ‘RRAHIM

Kila sifa njema zinamstahikia Allah, Subhanah wa Taala, isofichika kwake dhulma wala harudishi dua ya mwenye kudhulumiwa. Rehma na amani zimshukie Mtume Muhmmad (s.a.w) kipenzi chake na cha umma, mtetezi wa waliodhulimiwa hata kabla ya kupewa Utume.

Mhishimiwa Rais,

Kwa mapenzi makubwa, baada ya kuisoma kwa utulivu khutuba yako ya siku tukufu ya Iddil Alfitri, nimelazimika kuandika barua hii kufuatana na kauli mbiu ya Mtume Muhammad (s.a.w) inayosema:

“…Dini ni nasaha…nasaha kwa Allah (S.w.T) na ni nasaha kwa Mtume (s.a.w.) na kwa viongozi wa Waislamu na kwa watu wote…”

Mh. Rais;
Ni kweli nchi yeti ya Zanzibar imechafuliwa jina lake kuwa ni nchi ya amani kama ilivyogeuzwa nchi yetu na ndugu zetu na kufanywa kuwa ni koloni lao baada ya mkoloni Mwingereza kutupa uhuru mwaka 1963 na kuwa na kiti chetu Umoja wa Mataifa huku walimwengu wote wakishuhudia; kiti ambacho kwa uwezo wake Allah atakirejesha karibuni na wewe ukiwa rais wa Zanzibar au uliyemwakilisha kuweza kuketi juu yake Insha’allah na sisi wananchi wako wa Zanzibar tukifurahikia jambo hilo adhimu.

Mh.Rais;
Ni kweli nchi yetu inatiwa dosari lakini si kweli kuwa wananchi wa Zanzibar ndio wanaosababisha dosari hiyo na doa hilo la uvunjifu wa amani; ushahidi wa maneno haya tutaupata tukirejea na kutizama kwa jicho la uadilifu na insafu katika matukio tafauti. Kwa hakika tukifanya hivyo tutagundua bila ya taabu kuwa Jeshi la Polisi la Tanzania ndio wahusika wakuu na waanzilishi wa vurugu na uvunjifu wa amani ya nchi yetu ya Zanzibar kwa mara zote tatu, nikimaanisha machafuko yaliyotokea tarehe 25-26/5/2012 mjini Zanzibar na yale ya kuhujumu waumini na kunajisi misiskiti tarehe 17/6/2012, Donge, Mahonda na Mkokotoni pamoja na hujuma ya tarehe 20/7/2012 msikitini pia dhidi ya Waislamu walokusanyika msikiti wa Mbuyuni kuwasalia ndugu zao waliofariki kwa ajali ya meli ya Mv. Skaget. Waislamu tulihujumiwa ndani ya msikiti. Jeshi la polisi halikusita hapo bali liliwaingilia wananchi wanyonge mpaka ndani ya nyumba zao na kuwatendea matendo haramiya ya chuki na uhuni na katika waliotendewa matendo hayo maovu walikuwa wanawake na watoto wachanga. Polisi hao wakhalifu wa sharia waharibifu wa amani walifika hadi ya kutupa mabomu ya madawa makali ndani ya majumba ya raia bila ya kujali athari zitakazowasibu watoto wachanga na wanawake wenye kunyonyesha. Iwapo jeshi la polisi lililopewa jukumu la kulinda sharia, kuweka amani na kuwahami wananchi na mali zao ndio wenye kuvunja shariakwa kuwahujumu watu bila ya sababu, wananchi na haki zao zitalindwa na nani?

Mh.Rais;
Matokeo ya ukiukwaji wa sharia na haki za binadamu yaliyopelekea kuiharibia nchi yetu ya Zanzibar sifa yake ya amani na utulivu yamesababishwa na jeshi la polisi la Tanzania lililoacha kutekeleza wajibu wake wa kutunza amani ya nchi yetu Zanzibar . La kusikitisha zaidi ni kuwepo baadhi ya watendaji wako wa karibu wanaopotosha ukweli na kuifanyia khiyana nchi yetu ya Zanzibar kwa kufikisha kwako taarifa za uongo zilizopelekea kuitia doa na kuiharibu khutuba yako ilojaa maneno matukufu ya Allah Subhanah wa Taala pamoja na mafunzo kutoka Sunna za Mtume (s.a.w), khutuba ambayo ilitarajiwa kukemea dhulma za jeshi la polisi dhidi ya Waiislam na nyumba tukufu za Allah (S.w.T) iliyohujumiwa pamoja na wanawake na watoto wachanga ndani ya majumba kama ulivotetea makanisa na kubainisha hatari na ubaya wa walioyachoma makanisa hayo kwa lengo la kutaka kuanzisha fitna baina ya Waislam na jirani zao Wakristo waliokaribishwa nchini Zanzibar na kuishi pamoja nao miaka mingi kwa amani kiasi ambacho haijawahi kutokea Muislamu kulitusi kanisa licha kulichoma moto, kwani hayo ni kinyume na mafunzo ya dini yetu tukufu ya Kiislamu.

Mh.Rais;
Watu wanaokuwa karibu na Rais ni watu muhimu sana katika kufanikisha dhana ya uadilifu na utawala bora na wa haki usioogopa kukemea maovu hata kama walotenda au kuteleza ni Jeshi la Polisi kwani pia wao ni binaadamu siajabu kutenda makosa kwa maksudi seuze kuteleza, Allah Sbhanah wa Taala anatwambia: “…Enyi mloamini kuweni wasimamizi wa Allah wenye kushuhudia ukweli hata kama ni dhidi ya nafsi zenu…” Kwa hivyo, kosa kubwa zaidi ni kuuficha ukweli au kumpotosha kiongozi wa nchi hadi kufikia kuwashushia sifa wasiostahiki, wahuni ambao waliwatendea ya uhuni na dhulma kubwa hata wanawake na watoto. Ni khatari wadhulumiwa wanapofikishwa kumshtakia Mfalme wa Mbingu na Ardhi juu ya dhulma wanazotendewa. Isitoshe, khiyana ya watu kamaa hao wa karibu na viongozi kila inapojikariri khiyana hiyo inajenga hisiya kwa wenyeji wa nchi hii ambao wengi wao ni Waislamu kuwa wanabaguliwa, na sio wao tu bali hata kudharauliwa nyumba zao tukufu za ibada na kuthaminiwa makanisa peke yake. Sisi Waislamu hatutaki nyumba zozote za ibada zidharauliwe. Nyumba zote za ibada lazima ziwekewe hishima zinazostahiki.

Mh.Rais;
Kwa heshma zote naomba zichunguzwe sana sifa mbili kwa watu wote wa karibu na viongozi, sifa mbazo ni hatari kuzikosa tena zinaweza kuiangamiza nchi yetu tukufu ya Zanzibar . Sifa hizo si nyengine illa ni ukweli na uaminifu ambazo ni kinyume na uwongo na khiyana.

Yarabbi Muumba Mbingu na Ardhi, usieshindwa na jambo, tunakuomba muhifadhi Rais wetu, turejeshee nchi yetu kwa salama na amani, DOLA HURU YA ZANZIBAR, wastiri wanawake na watoto wachanga majumbani na Wazanzibari wote tunaodhulumiwa kwa kudai uhuru wa nchi yetu ya Zanzibar uloporwa na jirani zetu, ndugu zetu baada ya kutoka kwa wakoloni.

Amir Mkuu, Jumuiya ya Maimamu Zanzibar
Farid Hadi Ahmed

SENSA YA MAKAZI NA WATU ZANZIBAR YAENDELEA

Karani wa Sensa Wilaya ya Kusini Unguja Haji Ali Mjaka akiendelea na kazi ya kuwaandika watu katika hali ya Usalama na Amani na kupata ushirikiano mkubwa kwa wananchi

Karani wa Sensa Wilaya ya Kati Unguja Hassan Mussa Suleiman akiendelea na kazi ya kuwaandika watu katika hali ya Usalama na Amani na kupata ushirikiano mkubwa kwa wananchi.

Karani wa Sensa Wilaya ya Kusini Unguja Zainab Maulid Haji akiendelea na kazi ya kuwaandika watu katika hali ya Usalama na Amani na kupata ushirikiano mkubwa kwa wananchi

Karani wa Sensa Wilaya ya Kati Unguja Mwanaisha Ufuzo akiendelea na kazi ya kuwaandika watu katika hali ya Usalama na Amani na kupata ushirikiano mkubwa kwa wananchi.

Karani wa Sensa Wilaya ya Kusini Unguja Haji Ali Mjaka akiendelea na kazi ya kuwaandika watu katika hali ya Usalama na Amani na kupata ushirikiano mkubwa kwa wananchi.Picha na Yussuf Simai,Maelezo-Zanzibar

RAIS WA ZANZIBAR DKT. SHEIN AKUTANA NA BALOZI WA JUMUIYA YA ULAYA NCHINI TANZANIA

Rais wa Zanzibar na Mwenyekiti wa Baraza la Mapinduzi Dkt.Ali Mohamed Shein,akizungumza na Balozi wa Jumuiya ya Ulaya nchini Tanzania Filiberto Ceriani Sebregondi, alipofika Ikulu Mjini Zanzibar leo.

Rais wa Zanzibar na Mwenyekiti wa Baraza la Mapinduzi Dkt. Ali Mohamed Shein, akiagana na Balozi wa Jumuiya ya Ulaya nchini Tanzania Filiberto Ceriani Sebregondi, alipofika Ikulu Mjini Zanzibar leo kusalimiana na Rais. Picha na Ramadhan Othman,Ikulu.

Rais Wa Zanzibar Dk Ali Shein na Familia Yake Washiriki Zoezi la Sensa ya Watu na Makaazi

Rais wa Zanzibar na Mwenyekiti wa Baraza la Mapinduzi Dk.Ali Moahmed Shein, akijiandikisha na familia yake kwa Karani Asia Hassan Mussa, (kushoto) katika zoezi la Sensa ya Watu na Makaazi, lililoanza leo nchini kote,Rais akiwa katika Shehia ya Migombani Mkoa wa Mjini Magharibi Unguja,(kulia ) Mke wa Rais Mama Mwanamwema Shein.Picha na Ramadhan Othman,Ikulu-Zanzibar

KAMATI MAALUMU YA CCM ZANZIBAR YAKUTANA

Makamu Mwenyekiti wa CCM na Rais Mstaafu wa Zanzibar, Dkt.Amani Abeid Karume, akiendesha kikao cha kamati maalum ya Halmashauri Kuu ya CCM Taifa ya Zanzibar, leo katika ukumbi wa CCMKisiwandui Mjini Zanzibar, (kushoto) ni Rais wa Zanzibar na Mwenyekiti wa Baraza la Mapinduzi, pia Mjumbe wa Kamati Kuu ya CCM Taifa Dkt. Ali Mohamed Shein. Picha na Ramadhan Othman,Ikulu

Rais wa Zanzibar na Mwenyekiti wa Baraza la Mapinduzi,pia Mjumbe wa Kamati Kuu ya CCM Taifa Dkt. Ali Mohamed Shein, akisalimiana na Viongozi wa CCM, alipowasili katika viwanja vya Ofisi ya CCM Kisiwandui Mjini Zanzibar, kushiriki katika kikao cha siku moja cha Kamati maalum ya Halmashauri Kuu ya CCM Taifa ya Zanzibar, kilichofanyika leo.

Wajumbe wa Kamati Maalum ya Halmashauri Kuu ya CCM Zanzibar,wakiwa katika kikao cha siku moja chini ya Mwenyekiti wake, Makamu Mwenyekiti wa CCM Zanzibar na Rais Mstaafu wa Zanzibar Dkt. Amani Abeid Karume,wakiwa katika ukumbi wa CCM Kisiwandui Mjini Zanzibar, leo.

Balozi wa Marekani nchini Tanzania amtembelea makamu wa kwanza wa Rais wa Zanzibar

Makamu wa Kwanza wa Rais wa Zanzibar Maalim Seif Sharif Hamad akiitikia dua baada ya kushiriki futari iliyoandaliwa na Masjid Iman iliyoko Mbweni Zanzibar.Katikati ni Sheikh Habib Ali Kombo.

Makamu wa Kwanza wa Rais wa Zanzibar Maalim Seif Sharif Hamad akifurahi pamoja na Balozi wa Marekani nchini Tanzania Alfonso Lenhardt, aliyefika nyumbani kwake Mbweni kwa ajili ya kubadilishana mawazo. Picha na Salmin Said-Ofisi ya Makamu wa Kwanza wa Rais Zanzibar

---

Balozi wa Marekani nchini Tanzania, Alfonso Lenhardt ameahidi nchi yake itaunga mkono juhudi za Zanzibar kuwa na mipango madhubuti ya uokoaji wakati yanapotokea majanga, ili kunusuru maisha ya watu pale inapotokea hali kama hiyo.

Amesema msaada wa Marekani utaelekezwa zaidi kuiwezesha Zanzibar kuwa na mfumo wa kisasa wa mawasiliano utakaosaidia kujua eneo la tukio na kumudu kufika kwa haraka, kwa nia ya kuokoa maisha ya watu wengi zaidi iwezekanavyo.

Balozi Alfonso amesema hayo leo alipokuwa na mazungumzo na Makamu wa Kwanza wa Rais wa Zanzibar, Maalim Seif Sharif Hamad huko nyumbani kwake Mbweni, nje kidogo ya mji wa Zanzibar kuzungumzia tukio la kuzama kwa meli ya MV. Skagit, pamoja na mambo mengine mbali mbali. “Msaada huu wa kuepusha maafa wakati yanapotokea majanga, utakuwa ni kwa Tanzania nzima, lakini tutahakikisha Zanzibar inanufaika nao na inajijengea uwezo wa kuokoa maisha ya watu wake, wakati wa maafa kama haya ya kuzama kwa meli na mengineyo”, aliahidi Balozi Lenhardt.

Hata hivyo, Balozi huyo wa Marekani alisifu mshikamano wa wananchi wa Zanzibar pamoja na serikali yao, wakati wa maafa ya kuzama kwa MV. Skagit mwezi uliopita, hali ambayo ilisaidia kuokolewa baadhi ya watu waliokuwemo kwenye meli hiyo.

Naye, Makamu wa Kwanza wa Rais wa Zanzibar, Maalim Seif Sharif Hamad amekaribia azma hiyo ya Marekani kuisaidia Zanzibar katika kukabiliana na majanga mara tu yanapotokea. Katika hatua nyengine Balozi Lenhardt ameisifu Zanzibar kwa hatua kubwa iliyoweza kufikia kudhibiti ugonjwa wa Malaria ambao umekuwa ukisababisha vifo vya watu wengi wakiwemo watoto walio chini ya umri wa miaka mitano.

Balozi huyo amesema Zanzibar imejijengea heshima na hivi sasa imekuwa mfano Duniani na wataalamu kutoka sehemu mbali mbali wanakuja Zanzibar kujifunza mbinu za kutokomeza ugonjwa huo. Akizungumiza mafanikio hayo, Maalim Seif alisema suala la elimu kwa wananchi juu ya kutokomeza ugonjwa huo limechangia kwa kiasi kikubwa kuwa na uelewa wa hali ya juu kujilinda wasipate maradhi hayo.

Maalim Seif alisema baada ya wananchi walio wengi kuelewa mbinu za kujikinga na Malaria imekuwa rahisi kuweza kuzitumia njia wanazoshauriwa na wataalamu.

Alizitaja baadhi ya mbinu hizo kuwa ni matumizi ya vyandarua, kupuliziwa dawa kwenye nyumba zao, kuweka mazingira yao katika hali ya usafi pamoja na kufika kwenye vituo vya afya kwa uchunguzi na kutibiwa mara wanapoona dalili za kuwa na maradhi hayo.

Balozi huyo wa Marekani pia amemhakikishia Makamu wa Kwanza wa Rais kuwa nchi hiyo itaendelea kufanikisha miradi mbali mbali inayofadhiliwa na Marekani hapa Zanzibar.

Miongoni mwa miradi hiyo ni utandikaji wa laini kuu ya umeme kutoka Dar es Salaam hadi Fumba kupitia chini ya bahari na ujenzi wa barabara tafauti, ambayo yote ipo katika hatua nzuri za utekelezaji.

Wakati huo huo Makamu wa Kwanza wa Rais jana alijumuika katika futari iliyoandaliwa na masjid Iman iliyoko mbweni, nje kidogo ya mji wa Zanzibar.

Futari hiyo iliwajumuisha wananchi mbali mbali wanaosali katika msikiti huo pamoja na viongozi kadhaa wa dini na siasa wakiwemo Sheikh Habib Ali Kombo na Makamu Mwenyekiti wa CUF Machano Khamis Ali.

Na

Hassan Hamad

Ofisi ya Makamu wa Kwanza wa Rais Zanzibar

Rais wa Zanzibar Azindua Mashine ya Kuvunia Mpunga,(Combine Harvester) Wilaya ya Kati Mkoa wa Kusini Unguja

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,(katikati) akifuatana na Uongozi wa Wzara ya Kilimo na Maliasili,baada ya kuzindua rasmi mashine za Kuvunia Mpunga,(Combine Harvester) katika hafla iliyofanyika leo huko shamba la Kilimo la Serikali, Bambi Wilaya ya Kati Mkoa wa Kusini Unguja.

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,(wa sita kushoto)akiangalia Mashine ya Kuvunia Mpunga,(Combine Harvester) baada ya kufanya uzinduzi waMashine hizo,zilizonunuliwa na Serikali ya Mapinduzi zikiwa jumla 14 katika kuboresha hatua za Mapinduzi ya Kilimo,katika Shamba la Mbegu Bambi ,Wilaya ya Kati Mkoa waKusini Unguja leo

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,akiwasha Mashine ya Kuvunia Mpunga,(Combine Harvester) ikiwa ni ishara ya uzinduzi wa Mashine hizo,zilizonunuliwa na Serikali ya Mapinduzi zikiwa jumla 14 katika kuboresha hatua za Mapinduzi ya Kilimo,katika Shamba la Mbegu Bambi ,Wilaya ya Kati Mkoa wa Kusini Unguja leo.

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,(kushoto) akiangalia Mpunga Ukitoka katika mashine ya Kuvunia Mpunga,(Combine Harvester) baada ya kuzindua mashine hizo katika shamba la Kilimo la Serikali huko Bambi Wilaya ya Kati Mkoa wa Kusini Unguja leo.

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,(kushoto) akiangalia Mpunga Uliovunwa kwa kutumia mashine ya Kuvunia Mpunga,(Combine Harvester) baada ya kuzindua mashine hizo katika shamba la Kilimo la Serikali huko Bambi Wilaya ya Kati Mkoa wa Kusini Unguja leo.

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein, akizungumza na wananchi na wakulima wa Mpunga wa Maeneo mbali mbali baada ya kufanya uzinduzi rasmi wa mashine za Kuvunia Mpunga (Combine Harvester) huko Shamba la Kilimo la Serikali huko Bambi Wilaya ya Kati Mkoa wa Kusini Unguja leo

Rais wa Zanzibar na Mwenyekiti wa Baraza la Mapinduzi,Dk.Ali Mohamed Shein,(kushoto) akibadilishana mawazo na Waziri wa Kilimo na Maliasili Suleiman Othman Nyanga,(katikati) na Katibu Mkuu wa Wizara hiyo Othman Affan Maalim, baada ya kumalizika hafla ya kuzindua mashine za (Combine Harvester) leo katika shamba la Kilimo la Serikali huko Bambi Wilaya ya Kati Mkoa wa Kusini Unguja.Picha na Ramadhan Othman,Ikulu-Zanzibar

Vijana wakikamatwa na kuingizwa katika gari la polisi wa FFU siku ilipotokea vurumai katika katika msikiti wa Mbuyuni Mjini Zanzibar

Vijana wakikamatwa na kuingizwa katika gari la polisi wa FFU siku ilipotokea vurumai katika katika msikiti wa Mbuyuni Mjini Zanzibar ambapo kuliandaliwa sala na dua maalumu ya kuwaombea waliofikwa na maafa ya Mv. Skagit