TAMKO LA JUVICUF JUU YA UTAPELI WA KUTOA GESI MTWARA

M'Kiti wa Jumuiya ya Vijana Ya Chama Cha Wananchi-CUF, Leo ameongea na Vyombo vya Habari. Na haya ndio Maelezo ya Press ya Leo.
NI HAKI YA MSINGI KABISA WANANCHI WA MKOA WA MTWARA KUANDAMANA KUPINGA GESI KUPELEKWA DAR ES SALAAM.WAKATI HAWAJUI HATIMA YAO.
TAREHE: 05/01/2013

Jumuiya ya vijana CUF Taifa inaendelea kuunga mkono harakati zinazoendelea mkoani Mtwara za kupinga mpango wa serikali wa kujenga bomba la kusafirishia gesi asilia kutoka mtwara hadi dare s salaam, jumuiya ya vijana CUF taifa inaamini gesi inahamishwa kwa matakwa ya watu Fulani na sio kwa manufaa ya taifa kama inavyoelezwa na serikali, jumuiya haioni sababu ya kiuchumi ya kuhamisha gesi Mtwara kupeleka Dar es salaam au sehemu nyingine yeyote ile kwa kuzingatia yafuatayo:-

1. Uamuzi wa kuhamisha gesi sio wa kiuchumi na haukuzingatia misingi ya kiuchumi kwani kama serikali ingeamua kujenga mitambo ya kufulia gesi (Plants) mkoani Mtwara ingeokoa mabilioni ya pesa yanayotumika kusafirishia gesi asilia toka Mtwara kwenda Dar es Salaam, inasemekana bomba moja la mita tano (5) inagharimu fedha za kitanzania takribani bilioni tatu (3), hii ni hatari tujiulize umbali uliopo kati ya Mtwara na Dar nikilometa ngapi? Kwani ni zaidi ya kilometa 560 mara hiyo bilioni 3 tunazani ni pesa kiasi gani zitatumika kwa ajli ya mradi huo?kwanini wasifanye opportunity cost ya kujenga hizo plants Mtwara? ili kuokoa gharama za usafirishaji wa gesi wanasafirisha na wanaenda kujenga plants nyingine Dar hivi hatuoni Taifa linaingia gharama mara mbili?

2. Ujenzi wa vinu vya kufulia gesi asilia Mtwara utasaidia kuchochea maendeleo ya mikoa ya kusini kwa kuwahakikishia ajira vijana ambao kila siku wanapanga mikakati ya kwenda Dar kutafuta ajira na maisha bora! Lazima Taifa lifanye diversification of economy kwani hata mataifa ya Ulaya na Marekani yalifanikiwa kwa kufanya diversification of economy sio kila mradi tuupeleke Dar es Salaam, tunasababisha population na kufanya uchumi kuwa concentrated in a single area hii ni hatari kwa mipango ya muda mrefu ya taifa hili.

3. Kujengwa kwa mitambo hiyo katika mikoa ya kusini itasaidia kuchochea maendeleo ya miundo mbinu mbalimbali kama barabara, bandari, na reli kwa lazima serikali itajenga miundo mbinu imara kwa ajili ya kusafirisha gesi iliyo tayari kwa kutumiwa na watumiaji mbalimbli kutoka mikoa tofauti tofauti, Taifa linahitaji mawazo yakinifu ya kuwasaidia wananchi wenye kipato cha chini hasa wanaotoka mikoa ya kusini.

Jumuiya ya vijana inashangazwa na kauli tata inayotolewa na viongozi wa Serikali ya CCM kwani ikumbukwe kuwa tarehe 25/07/2011 kwenye maadhimisho ya siku ya mashujaa Rais Kikwete aliwahutubia wananchi wa Mtwara na kuwahakikishia kuwa katika utawala wake atainua mikoa ya kusini kiviwanda na kumtaka Meya wa Manispaa ya Mtwara – Mikindani kutenga maeneo kwa ajili ya wawekezaji, wananchi wanahoji utawala wake unaelekea ukingoni hauna hata dalili ya kiwanda kimoja badala yake kunazoezi la kutaka kuhamisha gesi hiyo na kupelekwa Dar es Salaam, je hivi kweli Rais Kikwete na CCM yake wana mapenzi ya dhati na watu wa kusini?
Jumuiya ya vijana CUF Taifa inaendelea kushangazwa na taarifa ya Waziri wa nishati na madini Mheshimwa Sospeter Muhongo kwa kudai kuwa eti asilimia kumi na nne (14%)tu ya gesi iliyogunduliwa ndiyo inatoka Mtwara, kwanini sasa wasipeleke mradi huo wa bomba la kusafirishia gesi sehemu nyingine badala ya Mtwara? Jumuiya inasisitiza kuwa wanamtwara hawapingi gawio la pato linalotokana na gesi kutumika sehemu nyingine yeyote ya nchi, kwani ikumbukwe kuwa hata kwenye ushuru wa zao la korosho ambalo limekuwa zao la pili kuingizia ushuru wa Taifa mwaka jana wananchi hawajahoji lolote juu gawio la ushuru huo?

Kwa hiyo Jumuiya ya vijana CUF Taifa inashangazwa na kauli ya viongozi wa CCM ya kusema kuwa wanamtwara wanahitaji gesi iwanufaishe wao wakati ukweli ukijulikana kuwa kilio cha wanamtwara nikutaka uwekezwaji unaotokana na gesi ufanywe Mtwara na Lindi kama ilivyofanywa kwenye viwanda vya sukari, kwani miwa inalimwa Tuliani, Mtibwa, na Kilombero – Morogoro na viwanda viko huko kwa nini gesi iwe Mtwara plant iwekwe Dar es Salaam?

Kwa hiyo Jumuiya ya vijana CUF Taifa inaunga mkono gesi kutosafirishwa kupelekwa Dar es Salaam.

Imetolewa na,
Jumuiya ya Vijana CUF Taifa,

Hoja ya Murtaza Mangungu, Mbunge wa Kilwa Kaskazini Kuhusu Gesi Asilia

Sekta ya gesi na mafuta ni moja kati ya sekta kubwa na ngeni kwa kiasi fulani hapa nchini. 

Kwa kipindi cha miaka mingi na haswa miaka ya sabini na themanini Serikali ya awamu ya kwanza ilifanya kazi kubwa ya uwekezaji katika utafiti wa mafuta na gesi nchini  lakini bila ya mafanikio ya uwekezaji.

Hii inaweza kuwa ilichangiwa sana na siasa zilizokuwapo kwa wakati ule kwa maana ya umagharibi na umashariki na pengine imani ya wawekezaji kutokana na msimamo tuliokuwa nao kama nchi  katika suala la ukombozi wa bara la afrika dhidi ya ukoloni pia uduni wa hali ya teknologia ya wakati ule na ukweli kwamba eneo letu la nchi za mashariki mwa Afrika ilijulikana kuwa ni ukanda wa gesi asilia tu  na enzi zile gesi asilia ilikuwa haina thamani kuliko mafuta. 

Kwa kipindi cha miaka ya hivi karibuni, nchi yetu imefanikiwa sana kuwavuta wawekezaji katika sekta na nyanja tofauti  sana ikiwamo katika gesi na utafiti wa mafuta. Hii ni nafasi nzuri tuliyoikosa kwa miaka mingi kiasi cha kutuweka nyuma kimaendeleo ukilinganisha na nchi nyingi za afrika na dunia ya tatu.

Lakini sasa kiasi kikubwa tumeanza kuona manufaa ya uwekezaji ule japo kwa uchache na changamoto nyingi ndani yake.

Tulianza mwaka 2012 na kumaliza na mfululizo wa matukio ya aina tofauti kwa waandishi kuandika makala na habari nyingi kuhusu shughuli na sekta nzima ya gesi nchini, na mara ya mwisho kabisa kufuatia maandamano ya wanachi wa Mtwara ambao walitokea katika vyama  tofauti.

Sikuona tatizo la waandamanaji wale pamoja na ujumbe ulitolewa bali baadhi ya ujumbe  unaonyesha zipo tafsiri nyingi zaidi ya madai ya mahitajio ya manufaa ya mapato katika uwekezaji wa gesi na bomba la gesi.

Nilipata wasisiwasi mkubwa sana baada ya kuona wanaojua ukweli wa jinsi mambo yalivyo na wale wasiojua kuamua kwa dhati kabisa kuuposha umma wa watanzania  na dunia kwa ujumla.

Niliwahi kujifunza kuwa ukweli utabaki kuwa ukweli na inastahili tuseme ukweli hata kama inauma kiasi gani kwa maana hakutakuwa na dhambi wala madhara zaidi ya ukweli huo. Pia uongo inatakiwa uwekwe mahali ambapo kila mmoja utauona. 

Madai ya wale wanaojiita waandamanaji ni kuwa gesi isitoke hadi pale Serikali itakaposema wananchi watanufaikaje  lakini  pamoja na mambo yote ambayo  wamesema na kuungwa mkono naomba tuambizane kwa kuulizana. Ni lini ambapo Serikali au wawekezaji wamesema kuwa bomba litafanya kazi ya kutoa gesi Mtwara kwenda Dar es salaam pekee? Nielewavyo mie leo hii kuwa bomba linaweza pia kutumika kutoa gesi Dar es salaam kwenda Mtwara pale ambapo patakuwa na mahitaji au matumizi ya ziada katika viwanda.

Msumbiji ambao wamegundua gasi nyingi zaidi yetu wanaweza kutumia bomba la gesi kupeleka katika masoko ya Kenya,Uganda sudan Rwanda Burundi na kadhalika au nchi kama Kenya ambazo nazo zimegundua gesi wanaweza kutumia kupitisha gesi kwenda Afrika ya kusini au kwingineko.Yote haya itatupa mapato makubwa sana kama vile nchi ya Ukraine inavyonufaika kupitisha bomba la gesi inayotoka Russia kwenda Ulaya magharibi.

Inaweza  kuwa kweli  Rais alitoa ahadi kuwa lazima gesi iwanufaishe watu wa mtwara kwa kuweka viwanda mtwara. Hivi ni kweli hatufahamu kuwa upo mradi wa ujenzi wa kiwanda cha saruji ,kiwanda cha uyayushaji chuma(iron smelter) na vinginevyo? 

Siamini sana kuwa itakua ni kazi rahisi kuhamisha viwanda vya chuma, saruji, chupa, rangi na mengineyo ambayo kwa sasa vipo Dar es Salaam kutokana na uwekezaji uliofanyika kwa zaidi ya miaka 40 au zaidi kuvihamisha na kuvipeleka mtwara? Ni kweli kuwa bidhaa zizalishwazo hivi sasa wananchi wa mtwara na lindi hawazitumii?

Nimekuwa nikiona magari  mengi sana kutoka Dar es salaam kwenda Lindi  na Mtwara na bidhaa za aina tofauti  ,ambazo zinazalishwa kutokana na umeme unatokana na gesi kutoka songo songo Kilwa. Hivi manufaa tuyasemayo ni ya namna ipi ?

Katika uwekezaji wa gesi na mafuta kampuni huhitaji uwekezaji mkubwa sana ambao mara zote huhitaji kuuza hisa katika masoko ya hisa au kutegemea makampuni mengineyo kujiingiza kushiriki kuwekeza(farm in). Je, kwa maandamano haya hatutaishia kulipa fidia kwa wawekezaji baada ya kuharibu mazingira mazuri ya ufanyaji kazi?

Wakati haya yakiendelea kufanyika , tayari yapo makubaliano kadhaa ambayo yamewekwa baina ya Serikali na makampuni ya uwekezaji kwa ajili ya kuendeleza gesi iliyopatikana . Mfano mzuri ni  eneo la Rushungi Kilwa kuna kampuni kubwa kutoka Norway na mshirika wake kutoka Marekani wanafanya uchunguzi wa uwezekano wa  kujenga LNG terminal ili kuisindika gesi hiyo na sehemu mbali mbali za mwambao wa Mkoa wa Lindi na Mtwara zinafanyiwa uchunguzi wa aina huo.

Uwekezaji huu umechelewa sana kufanyika haswa ukizingatia kuwa gharama zinapanda siku hadi siku. Dunia haikusubiri na uchumi unazidi kuwa wa aina tofauti na siku za nyuma. Imani ya wawekezaji ikipotea dhidi yetu tutatumia miaka mingapi kuirejesha?

Pia ikumbukwe kuwa Serikali imewekeza pesa nyingi sana kwa kusomesha na kulipa mishahara watumishi wa sekta husika lakini pia katika uwekezaji kwa sekta hii.

Inawezekana kabisa kuwa bado manufaa hayajaonekana moja kwa moja , lakini tujiulize kuwa gharama za chakula zilizopanda hivi sasa Lindi na Mtwara zimesababishwa na nini. Pia haitoshi kuwa thamani ya ardhi imepanda mara ngapi na kuwanufaisha watu wa mikoa hii?

Hivi tangu Serikali iweke chuo cha VETA  wanafunzi wangapi kutoka Lindi na Mtwara wamekubali kujianadikisha katika masomo ili kuja kupata ajira na kushiri katika sekta gesi.

Tusitarajie kuna siku zitagawiwa pesa kwa mafungu kutoka katika mapato yatokanayo na gesi na wala hakuna nchi duniani imewahi kufanya hivyo Manufaa ya pekee ambayo wananchi wa Mtwara na Lindi na Tanzania kwa ujumla  wanaweza kuyapata ni kama ifuatavyo.

1. Kilimo:  gesi asilia itakuza  sekta nyingine kwa maana ya kilimo.  Gesi pia inaweza kukuza kilimo kwa kuinua sekta ya kilimo kwa maana ya uzalisha wa mbolea na viatilifu vingine kama sulphur ambayo inatumika sana kuthibiti ubwiri unga ambayo inasumbua sana mikorosho.Pia wananchi wataongeza kipato kutokana na kuwa na uzalisha mkubwa katika kilimo.
2. Umeme:  gharama za umeme zinaweza kushuka kwa kiasi kikubwa sana haswa ukizingatia kuwa kwa sasa bado gharama ziko juu.Kama ni mfano mzuri,  hivi sasa Tanesco imeshusha gharama za uunganishaji umeme ili kuvutia wateja wengi kupata huduma hiyo na kuongeza uzalishaji lakini pia kushusha gharama za uzalishaji kwa ujumla ambapo itachangia kushusha gharama za maisha na kukabiliana na mfumuko wa bei.
3. Elimu : gesi itasaidia kukuza elimu nchini haswa maeneo ya Lindi na Mtwara kwa maana ichangie  kuboresha, lakini pia kuinua elimu kwa watanzania wengi zaidi ili kuweza kunufaisha katika sekta ya gesi na nyinginezo mtambuka 
4. Ufugaji:  itasaidia katika ufugaji haswa ikizingatiwa sekta hii inahitaji nyama, maziwa na mayai kwa kiasi kikubwa hivyo wananchi wakishikishwa vema itasaidia sana kukuza kipato chao na kuinua uchumi wao na nchi kwa ujumla. 
5. Viwanda:  uanzishwaji wa viwanda vya mazao ya gesi kwa maana ya petrochemical industries, hii yote itachangia kukuza ajira na mapato kwa Serikali Kuu hadi kufikia ngazi Serikali za vijiji kwa ujumla 
6. Mazingira:  gesi itasaidia kuhifadhi mazingira kwani matumizi yake yatapunguza kwa kiasi kikubwa matumizi ya kuni na mkaa lakini pia inaweza kuwa mbadala wa petroli na dieseli katika magari na mitambo. Hakuna atakae kataa kuwa itasaidia pia kupunguza emission na kuokoa pesa nyingi za kigeni ambazo zingeweza kufanya shghuli nyingine za kiuchumi nchini.
7. Uwekezaji:  utalenga kutoa ajira kwa watanzania haswa vijana, lakini watanzania pia wajue haya hayatapatikana kama hawatashiriki kusoma na kupata mafunzo ya kutosha ili kuweza kupata ajira hizo. Tunapozungumzia elimu haihusu sana kupata degree au diploma, hata ngazi ya cheti tu , kwa kozi za kawaida za ufundi kama magari,umeme ,uchomeaji n.k

Serikali kwa kushirikiana na taasisi za kama TPDC, TANESCO, NDC, NARCO,VETA, TPA na wengineo washirikiane kujenga uwezo kwa watanzania kushiriki kwenye sekta na si kutegemea kuagiza kila kitu kutoka nje na wageni wakashika kazi zote kwa kigezo kuwa hatujafikia viwango vya kimataifa kufanya kazi hizo. Changamoto ya makampuni ya uwekezaji (Mult national Companies) kutumia viwango kama ni kigezo cha kuyanyima kazi makampuni yetu ya ndani haswa ya wazawa iangaliwe kwa jicho pana zaidi

Katika maelezo ya Rais ni kuwa tuanzishe mfuko wa kuhifadhi pesa mapato yatokanayo na gesi (gas fund), naona tukubaliane na hili ila maoni yangu ni vema kuanzisha sovereign development fund ambayo mapato yatumike katika uwekezaji tu na si kwa ajili ya kula na kulipa mishahara au matumizi ya kawaida.

Nchi kama Trinidad & Tobago na Thailand leo zinanufaika katika viwanda vya kemikali (petrochemical industries) ambapo hata bandari na sekta nyinginezo maana kuna multiplier effect inayotokana na uwekezaji katika sekta hii. Hivyo hapana budi Bandari ya Mtwara na Kilwa nazo zikapanuliwa ili kuweza kuinua uchumi wa mikoa ya kusini.
Kwa kuzingatia haya na kutoa elimu ya kutosha kwa wananchi na wawakilishi wao kwa ujumla , itasaidia sana kuondoa dhana iliyojengeka sasa na kuwa hali ya uadui ambao hauna tija kwa ustawi wa nchi yetu.

Tumekuwa na mgogoro na nchi ya Malawi kwa muda sasa, chanzo kikubwa inahisiwa ni rasilimali hizi za gesi na mafuta. Huku hili likiendelea kumekuwa na hisia za kujitunga mgogoro mwingine baina ya Tanzania na Congo. Wakati tunayatafakari haya tumeanza kuweka migogoro ndani ya nchi, ni kweli haya ndio tunayokusudia ?

Naamini kila anayeshinikiza haya yatendeke , wanajua vizuri zaidi ya hivyo. Ni kheri kuwa makini kwa matendo na matamshi yetu kwani ipo siku tutawajibika nayo. Amani ,upendo na utulivu una thamani kubwa kuliko gesi na madini. “Kama hujui unakokwenda, huwezi kupotea njia.’’

Murtaza Mangungu(MB)
Kilwa Kaskazini na mjumbe wa POAC

Source: http://www.wavuti.com/#ixzz2H2uh71vF

MTWARA WAFANYA MAANDAMANO YA KUPINGA GESI KUPELEKWA DAR

Rais Jakaya Kikwete Azindua Rasmi Ujenzi wa Bomba la Gesi Asilia toka Mtwara hadi Dar es salaam

Rais Jakaya Mrisho Kikwete akizindua rasmi ujenzi wa bomba la gesi asilia toka Mtwara hadi Dar es salaam leo Novemba 8, 2012 maeneno ya Kinyerezi njijini Dar es salaam. Nyuma yake ni Makamu wa Rais Dkt Mohamed Ghalib Bilali.

 Rais Jakaya Mrisho Kikwete na Makamu wa Rais Dkt Mohamed Ghalib Bilali na viongozi wengine wakimsikiliza  Waziri wa Nishati na Madini Profesa Sospeter Muhongo miundombinu ya  bomba la gesi asilia toka Mtwara hadi Dar es salaam leo Novemba 8, 2012 maeneno ya Kinyerezi njijini Dar es salaam. Nyuma yake ni Makamu wa Rais Dkt Mohamed Ghalib Bilali.

Rais Jakaya Mrisho Kikwete akiwa na ujumbe wa kampuni inayojenga bomba la gesi asilia kutoka Mtwata hadi Dar es salaam, Benki ya Exim ya China na viongozi waandamizi wa serikali alipowakaribisha Ikulu kwa mazungumzo baada ya uzinduzi rasmi wa ujenzi wa bomba hilo maeneo ya Kinyerezi jijini Dar es salaam.Picha na IKULU

VODACOM TANZANIA WAMTEMBELEA MKUU WA MKOA WA MTWARA

Mkuu wa Mkoa wa Mtwara Joseph Simbakalila akisalimiana na ofisa Mkuu wa mauzo na usambazaji wa Vodacom Tanzania,Bw.Hassan Saleh,wakati alipomtembelea ofisini kwake kwa ajili ya kumuelezea mikakati mbalimbali ya Vodacom ya kusaidia jamii hususani elimu na vikundi mbalimbali vya wanawake mkoani humo,Ofisa huyo yupo mkoani humo kwa ajili ya kampeni ya Ramadhan Care & Share inayolenga kufuturisha watoto yatima zaidi ya 500 wakati huu wa mfungo wa Mwezi Mtukufu wa Ramadhan,kushoto ni Mkuu wa Vodacom Foundation Bw.Yessaya Mwakifulefule na katikati ni Mkuu wa Vodacom kanda ya kusini Bw.Mac Minja.

Mkuu wa Mkoa wa Mtwara Joseph Simbakalila akisisitiza jambo kwa ofisa Mkuu wa mauzo na usambazaji wa Vodacom Tanzania,Bw.Hassan Saleh(kushoto)wakati walipomtembelea ofisini kwake kwa ajili ya kumuelezea mikakati mbalimbali ya Vodacom kusaidia jamii hususani elimu na vikundi mbalimbali vya wanawake mkoani humo,Ofisa huyo yupo mkoani humo kwa ajili ya kampeni ya Ramadhan Care & Share inayolenga kufuturisha watoto yatima zaidi ya 500 wakati huu wa mfungo wa Mwezi Mtukufu wa Ramadhan,katikati ni Mkuu wa Vodacom kanda ya kusini Bw.Mac Minja.

Mkuu wa Mkoa wa Mtwara Joseph Simbakalila akiongea na baadhi ya wafanyakazi wa Vodacom Tanzania,walipomtembelea ofisini kwake kwa ajili ya kumuelezea mikakati mbalimbali ya kampuni yao ya kusaidia jamii hususani elimu na vikundi mbalimbali vya wanawake mkoani humo,wafanyakazi hao wapo mkoani humo kwa ajili ya kampeni ya Ramadhan Care & Share inayolenga kufuturisha watoto yatima zaidi ya 500 wakati huu wa mfungo wa Mwezi Mtukufu wa Ramadhan,kutoka kushoto Meneja Mahusiano ya umma wa kampuni hiyo Bw.Matina Nkurlu.Mkuu wa Vodacom Foundation Bw.Yessaya Mwakifulefule,Ofisa Mkuu wa mauzo na usambazaji Bw.Hassan Saleh,Mkuu wa Vodacom kanda ya kusini Bw.Mac Minja.

Mkuu wa Mkoa wa Mtwara Joseph Simbakalila akimsikiliza ofisa Mkuu wa mauzo na usambazaji wa Vodacom Tanzania,Bw.Hassan Saleh(kushoto)akiongea wakati alipomtembelea ofisini kwake kwa ajili ya kumuelezea mikakati mbalimbali ya Vodacom ya kusaidia jamii hususani elimu na vikundi mbalimbali vya wanawake mkoani humo,Ofisa huyo yupo mkoani humo kwa ajili ya kampeni ya Ramadhan Care & Share inayolenga kufuturisha watoto yatima zaidi ya 500 wakati huu wa mfungo wa Mwezi Mtukufu wa Ramadhan,katikati ni Mkuu wa Vodacom kanda ya kusini Bw.Mac Minja.

Mkuu wa Mkoa wa Mtwara Joseph Simbakalila akisisitiza jambo kwa wafanyakazi wa Vodacom Tanzania mara baada ya kumaliza mazungumzo walipomtembelea ofisini kwake kwa ajili ya kumuelezea mikakati mbalimbali ya kampuni yao kusaidia jamii hususani elimu na vikundi mbalimbali vya wanawake mkoani humo,wafanyakazi hao wapo mkoani humo kwa ajili ya kampeni ya Ramadhan Care & Share inayolenga kufuturisha watoto yatima zaidi ya 500 wakati huu wa mfungo wa Mwezi Mtukufu wa Ramadhan,kutoka kushoto Meneja Mahusiano ya umma wa kampuni hiyo Bw.Matina Nkurlu.Mkuu wa Vodacom Foundation Bw.Yessaya Mwakifulefule,Ofisa Mkuu wa mauzo na usambazaji Bw.Hassan Saleh,Mkuu wa Vodacom kanda ya kusini Bw.Mac Minja.

MAENDELEO YA UJENZI WA BARABARA KATI YA BANDARI YA MTWARA MPAKA ZAMBIA

Hii ndiyo bango la mradi huo wa ujenzi wa barabara inayotoka mnarani hadi bandarini ambayo inasimamiwa na kampuni ya SOUTHERN LINK.

Pia bila shaka kwa Manicipal ya Mtwara mjini hii ndiyo itakuwa barabara ya kwanza kwa ukubwa na kiwango cha ubora kuliko zingine ambazo zipo katika Manicipal hiyo.

Haya ni baadhi ya Magreda ya kampuni ya Southrn Link yakipiga mzigo kukamilisha barabara hiyo.

Sehemu ya wanawake ambao wamejipatia vibarua kwa muda katika barabara hiyo ili kukuzi mahitaji kidogo ya maisha yao.

Mkuu wa wilaya ya Newala, Christopher Magala Akutana na Maofisa wa Jeshi la Polisi

Mkuu wa wilaya ya Newala, Christopher Magala (katikati) akizungumza katika mkutano wake na Askari Polisi wa Wilaya ya Newala jana. Kulia ni OCD wa Wilaya ya Newala Lisu Ntandu Jingi na kushoto ni Kupela kutoka Ofisi ya Mkuu wa Wilaya newala.

--

Mkuu wa Wilaya ya Newala, mkoani Mtwara, Christopher Magala,jana amekutana na maofisa wa Jeshi la Polisi na askari wa kawaida wilayani humo na kuzungumza nao mambo mbalimbali kuhusiana na kazi na wajibu wao katika jamii.

DC huyo mpya wa newala amesema ameamua kufanya mkutano huo ikiwa ni sehemu ya kujitambulisha kwake katika kada mbalimbali za jamii na watendaji wa ngazi mbalimbali za serikali.

Magala pia amesema hivi karibuni amekuwa akipokea malalamiko mengi kutoka kwa wananchi kuhusiana na utendaji wa Jeshi hilo walio na jukumu la Ulinzi wa raia na mali zao.

Aidha Magala amebainisha kuwa dhumuni la kikao chake na Polisi lilikuwa ni kujitambulisha kwao na kuwakumbusha majukumu yao ya msingi kwa jamii yetu.

“Nimekuwa nikipokea malalamiko mengi toka kwa wananchi mara tu baada ya kufika hapa Wilayani, juu ya vitendo na huduma zisizo kidhi haja za wananchi wilayani hapa, hivyo nikalazimika kukutana nao na kuwekana sawa nikiwa ni kiongozi wa ulizni na usalama.” Alisema Magala.

Pamoja na mambo mengine kuu wa wilaya huyo alitumia fursa hiyo kuwakumbusha majukumu yao katika jamii kuwa ni ulinzi wa raia na mali zao, kusimamia amani na utulivu uliopo Wilayani.

Jana DC huyo alikutana na waendesha boda boda mjini Newala pamoja na wapiga debe katika mabasi ya aibiria Wilayani humo, katika kuzungumza nao na kuweka mambo sawa, ikiwa ni pamoja na kuwahimiza kujitokeza katika Sensa itakayo fanyika baade mwaka huu nchini kote.

MKUU WA WILAYA YA NACHINGWEA AANZA KAZI KWA KISHINDO

MKUU wa wilaya ya Nachingwea,Regina Chonjo akiandika maswali ya wananchi

mkuu wa wilaya ya Nachingwea,Regina Chonjo akiwa katika picha ya pamoja na akina mama wa wilaya hiyo

Muasisi wa TANU NA CCM,BI KANDURU AKIMPA MKONOMKUU WA WILAYA YA NACHINGWEA BI Regina Chonjo baada ya Mkuu huyokutembelea makazi ya Bibi huyo ambaypo alipata ufadhili wa kujengewaNyumba hiyo na kusikitishwa na Alivyotapeliwa katika ujenzi wake

Mzee Mnali akiuliza swali katika mkutano huo

WAZEE WA NACHINGWEA WAKIMSIKILIZA MKUU WA WILAYA YAONA BILA KUSITA WALIDAI KUSHANGAZWA KUPATA WITO WA MKUU WA WILAYAKUKUTANA NA WAZEE KWA KUWA KATIKA HISTORIA YAO HAWAJAWAI KUNA AUKUSIKIA JAMBO HILO KWAO

MKUU wa wilaya ya Nachingwea,Regina Chonjo amekerwa na hali ya uchafuuliozagaa kwenye maeneo mbalimbali ya mji wa Nachingwea na kuitakajamii kushirikiana naHalmashauri kujenga tabia ya usafi.

Mwandishi wa mtandao huu wa http://www.francisgodwin.blogspot.com/ kutoka mkoani Lindi Abdulaziz Video anaripoti kuwa ,Chonjo alisema kuwa licha ya kuwa na virimba katika maeneo mengi yamji bado wananchi wanaendelea kutupa taka ovyo na kufanya kila eneokuwa ni dampo.

“Kwa kweli hali ya mji wetu ni mbaya kwani hata siku ambayo nilifikanilionahali hiyo na nilishamweza mwenyekiti wa halmashauri kuwa halisi ya kupendeza na kumpataka kuweka mkakati wa kuwashirikishawananchi”alisema ChonjoAlisema kuwa kama watu wakishirikishwa kikamilifu wanaweza kubadilikakitabia na kujali usafi na mji wetu ukawa wa mfano kwa usafi kamailivyo mji mingine ambayo tabia ya usafi ni ya kawaida.

Kauli ya mkuu huyo wilaya aliitoa jana wakati akizungumza na wazee wamaeneo ya mji wa Nachingwea aliokutanao kwenye ukumbi wa chuo chaualimu kwa lengo la kujitambulisha na kubadilishana mawazo.

Awali swala la hali ya uchafu uliokithiri kwenye maeneo mbali mbaliya mji wa Nachingwea lilisemwa na mmoja wa wazee hao,Albert Mnaliambaye alisema kuwa maeneo ya yaliyo wazi yamegeuka kuwa madampo kwanikila eneo linatumiwa kutupia taka.

Mnali aliisema kuwa halmashauri imezidiwa na taka kwani takazinazozalishwa ni nyingi ikilinganishwa na uwezo wa kuzisomba kwanihalmashauri halina gari la kuzolea taka.

Mnali aaliishauri hamashauri kumtafuta mzabuni atakayekuwa na jukumula kuzoa taka badala ya kufanywa na halmashauri.

John Mnyika Awapiga Msasa Wana Newala na Nanyumbu Juu Ya Uwajibikaji wa Serikali Kwa Wananchi,Elimu ya Katiba Mpya

Mbunge wa Ubungo(CHADEMA)John Mnyika Akihutubia na akisikiliza maswali na kutoa somo la kudai uwajibikaji wa serikali kwa wananchi, elimu ya katiba mpya na M4C, kwa wanakijiji katika maeneo ya wilaya tofauti za Newala na Nanyumbu

Mbunge wa Ubungo(CHADEMA)John Mnyika Akimsikilzia Katibu wa Tawi wa CUF, Bi. Zaituni baada ya kutoa somo la kudai uwajibikaji wa serikali kwa wananchi, elimu ya katiba mpya na M4C, kwa wanakijiji katika maeneo ya wilaya tofauti za Newala na Nanyumbu.Picha na Habari na Kurugenzi Ya Habari-CHADEMA

Mkutano wa CHADEMA Newala

Mwenyekiti wa Chama cha Demokrasia na Maendeleo (CHADEMA), Freeman Mbowe akiwahutubia wananchi wa mji wa Newala mkoani Mtwara, katika mkutano wa hadhara, leo. (Picha na Joseph Senga)


Mwenyekiti wa Chama cha Demokrasia na Maendeleo (CHADEMA), Freeman Mbowe akiagana na wananchi wa kijiji cha Nanguruwe baada ya kuhutubia mkutano wa hadhara.


Mwenyekiti wa Chama cha Demokrasia na Maendeleo (CHADEMA), Freeman Mbowe akiwauzia kadi wananchi waliojitokeza kujiunga na chama hicho, mara baada ya mkutano wake wa hadahara mjini Newala, mkoani Mtwara kwenye viwanja vya Mahakama.